●Дұрыс тамақтанудың он екі ұстанымы

1) Əр түрлі тағамдық өнімдерді қолданыңыз,жануар тектес өнімдерге қарағанда өсімдік тектес өнімдерді көбірек қолданыңыз.

2) Нан,ұн тағамдары,дəнді-дақыл өнімдері,картоп күніне бірнеше рет қабылдануы қажет.

3) Күніне бірнеше рет жеміс-жидектерді қабылдаңыз.Күні бойы балғын жеміс-жидек болатын болсын.

4) Дене салмағы қалыпты мөлшерде болуы үшін (дене салмағының индексі 20-25) күнделікті аздаған дене жаттығуларын жасап тұру қажет.

5) Тағаммен түсетін майларды бақылау қажет (тəуліктік калориядан 30% аспауы керек) ,жануарлар майларын өсімдік майларына ауыстыру керек.

6) Майлы еттер мен ет тағамдарын ірі бұршаққа, дəнді-дақылдарға, балыққа,құс етіне жəне майсыз еттерге ауыстырыңыз.

7) Майлылығы төмен сүт өнімдерін қолданыңыз (айран,ұйыған сүт,йогурт,ірімшік)

8) Құрамында қанты аз тағамдық өнімдер мен сусындарды қолданыңыз.Қант пен басқа да тəттілерді шектеңіз.

9)Тұзды азайтыңыз.Тұз мөлшері күніне бір шай қасықтан аспауы қажет-5г.Йодталған тұзды қолданыңыз.

10) Егер спиртті ішімдіктерді қолдансаңыз, спирттің таза құрамы күніне 10 граммнан аспауы қажет.

11)  Дайындалған тағам қауіпсіз болуы қажет.Тұздың,майдың,қанттың мөлшерін көп талап етпейтін болғандықтан буда,қысқатолқынды пеште дайындалған, қайнатылған тағамдарды жиірек қолданыңыз.

12) Жаңа туылған нəрестелерді 6 айға дейін тек ана сүтімен қоректендіріңіз, 6 айдан соң қосымша тағамдарды біртіндеп қосыңыз.Емшекпен емізуді бала 2 жасқа толғанша жалғастыра беріңіз.