Салауатты өмір салты туралы түсінік.
Қазіргі кезде медицинаның жетістіктері мен тіршілік жағдайларының жақсаруына қарамастан, ауру адамдардың саны әлі де көп. Әрбір адам денсаулықтың зор байлық екенін біледі.
Денсаулық - адамның дене, психикалық және әлеуметтік саулығы, жоғары еңбек қабілеттілігі және әлеуметтік белсенділік жағдайы. Адам өз денсаулығына әрқашан жауапкершілікпен қарай ма?
Дұрыс тамақтанбау: тамақты артық ішіп-жеу, жиі ашығу, жөнсіз диета, кез келген уақытта тамақ ішу, құрғақ және сапасыз тамақ- осының барлығ асқорыту мүшелерінің ауруларына себепші болады.
Аз қимылдау, компьютер алдында ұзақ отыру, үстелде дұрыс отырмау тірек-қимыл жүйесінің бұзылуына, көрудің нашарлауына апарып соғады.
Соңғы кезде денсаулықтың бұзылуына жасөспірімдер арасында темекі тарту, спиртті сусындарды ішу, есірткілік заттарды пайдалану сияқты зиянды әдеттер себепші болуда.
Әрбір адам бала кезден өзінің және айналасындағы адамдардың денсаулығына жауапкершілікпен қарайтын болса, онда денсаулығын едәуір дәрежеде сақтап әрі нығайтып қана қоймай, ұзақ өмір сүрер еді.